रोजाई तिम्रो हो ।

आउने र जानेहरुको भिड 

रोक्न कहाँ सकिन्छ, 

तिमीलाई आफ्नो नमानु 

मनले मान्दैन 

तिमीलाइ आफ्नो भनू

आफ्नो हुनुको कुनै प्रमाण छैन, 

हिजोआज यहाँ प्रेमिल सम्बन्ध खुब 

चर्चामा छ 

अझ सरल भाषामा भन्दा सम्झौता 

तिमी आफै भन -

"म तिमीसँग प्रेम गरु 

कि सम्झौता गरु" ।

प्रेममा कयौं थोक गुमाउनु पर्छ 

प्रेममा आफ्ना मुठ्ठीहरु खोल्नु पर्छ 

प्रेमले स्वतन्त्रता, इज्जत र सम्मानको बोली बोल्छ 

सम्झौतामा यस्ता कुराहरु गौण हुन्छन्,

प्रेम चाहनेले संसारका सारा बाधाहरु तोड्नु पर्छ

आफैलाई धरौटी राखेर स्वतन्त्रताको बाध खोल्नु पर्छ,

न शर्त, न स्वार्थ 

न आशा, न अपेक्षा,

चुनाव तिम्रो हो 

रोजाई तिम्रो हो 

अनि फैसला पनि तिम्रो हो,

किनकी यहाँ पाउने भन्ने कुरा व्यर्थ हो

बस यहाँ त अनुभुत गर्नु र गराउनु सबथोक हो ।।