एउटा मीठो निन्द्रा

यति धेरै होहल्ला 

यति धेरै स्वर, 

फेरि पनि म शून्यताको यात्रामा सयर गर्दैछु

आफूदेखि आफूसम्मको यात्रा, 

आफ्नो मनदेखी आफ्नै मनसम्मको यात्रा 

सायद पहिलो पटक, 

यहाँ केही छैन न सुन्दरता, न कुरुपता 

न झुट, न सत्य, न भ्रम, न वास्तविकता,

मात्र उज्यालो! यस्तो उज्यालो जो

मेरो कल्पनाभन्दा बिल्कुलै भिन्न छ, 

यस्तो खाली कि जो आफैमा भरीपूर्ण छ,

म कसरी बयान गरु- यो यात्रा 

यो कति रोमान्चित छ 

यो कति आनन्दमय छ, 

सारा संसारको सुख एकातिर 

यसको एकपलको आनन्द एकातिर,

यस्तो लाग्छ दौडिएर जाऊ 

र यसको आनन्द सबैलाई बताउ 

तर फेरि सोच्छु "यहाँ विश्वास कसले गर्छ।" 

त्यसैले म यी दिनहरुमा

बस यो यात्रा स्वयम महसुस गरिरहेक छु 

मलाई यो यात्रामा अझ अगाडि पुग्नुछ 

र भेट्नु छ यस्तो आँचल 

जहाँ म निदाउन सकु एउटा मीठो निन्द्रा ।।