फैसला
सम्बन्धबिच्छेदको
कागजमा हस्ताक्षर गर्दै गर्दा,
ती दिन मानसपटलमा छर्लङ्ग हुँदै थिए,
ओहो ! सिंदुरले सिउदो रंगिएको क्षण
संसार सारा मेरो रंगमा रंगेको आभास
भएको थियो मलाइ,
बिबाहको मण्डपमा सात फेरा लिदै गर्दा पण्डितले
भनेको त्यो वचन "अब सात जन्मसम्मको अटुट बन्धन
हो है यो नानि हजुरहरुको"भनेको भर्खर जस्तो लाग्छ
हासो,खुसी अनि सौभाग्यले सजिदा संसारको सबैभन्दा
भाग्यमानी केटि सम्झेकी थिए मैले आफुलाइ,
तर बिहेको केही समयमा नै हामी बिचको दुरि यति धेरै
बढ्यो कि आज मेरो हातलाई रोक्न मेहेन्दिको रंग पनि
फिक्का परिरहेको छ,
र मेरा औलाहरुले सम्बन्ध बिच्छेदको कागजमा
हस्ताक्षर गरिरहदा म चुपचाप चुपचाप र मौन छु,
आफ्नै फैसला र औलाहरुको अगाडि ........
