एउटा सपना
जहाँ
तिम्रो साथ होस्
हातमा हात होस्
मुस्कुराउने बाहाना हुन
फकाउने कारण हुन
दुखहरुसंगै बाढ्न सकियोस्
खुसीहरुसंगै साट्न सकियोस्
.... ....
दिनको प्रतीक्षा
साझसंगै सकियोस्
चियाको कप एक्लै नहोस्
तिमी हुनुको आभास
कल्पनामा सिमीत नरहोस्
तिम्रा खुशिहरुको
तिम्रा रोदनहरुको
साक्षी बन्न सकियोस्
... ...
तिम्रा खुशिहरुको
तिम्रा रोदनहरुको साक्षी
बन्न सकियोस्
... ...
एकाअर्कासंग
हुनुको आनन्दलाई
समीप भएर
महसुस गर्न सकियोस्
सबैभन्दा प्रीय कुरा
जिन्दगीको सफरमा
हामसफर बन्न सकियोस्
#माया
प्रीयतम
बाहिर एक तमास
वर्षिरहेको छ झरी
टेबलको चिया चिसिनलाई
छिनभर पनि लागेको छैन
मेरा हातहरु चिसिएको चियालाई
पुन तताउन भन्दा पनि
मेरा नजरहरु चिसिदै गरेको र
उड्दै गरेको
चियाको बाफमा टक्क अढिएका छन्
... ......
मनको कल्पनाले त्यही नै बेला
एउटा उडान भर्छ
तिमी एक्कासि
नजरमा नजर जुधाउन आइपुग्छौ
मेरा नजरहरु
लजाउन भन्दा पनि
तिम्रो नजरसंग नजर जुधाउनमा
हानथाप गर्छन्
नजिकैको चिसो चियाले
हाम्रो अझ आरिस गर्छ
....
झरिको लय उस्तै छ
यी नजरहरु उस्तै छन्
नजरै नजरमा व्यक्त भएको
प्रेम भाव उस्तै छ
उतिकै प्रेमिल
उतिकै शान्त
अनि उतिकै सुन्दर
जसै म हराउन थाल्छु प्रेममा
डुब्न थाल्छु नयनमा
सलबलाउन थाल्छौ तिमी ममा
त्यतिनै वेला
डोर बेलको आवाजले झस्काउछ मलाई
टिङ टिङ .... ... !!
प्रीयतम
कहिलेकाहीँ भावी हुनेरहेछन्
रहरहरु
वास्तविकता माथी
चाहे वास्तविकताको
स्वरुप जति नै क्रूर किन नहोस्
मन हराउने रहेछ
कल्पनाको आगनमा
र कल्पिदोरहेछ तिमीसंगको
सुन्दर सामीप्यतालाई
पन्छाएर सारा रितहरु
नाच्दो रहेछ मन
गुनगुनाएर आफ्नै भाकामा
बिर्सिएर सारा थकानहरु
मन ओत लाग्छ आफ्नै मनको
चौतारीमा र बुन्न थाल्छ तिमीसंग
संसार घुमेको सपना
भ्रमहरु क्षणिक हुन
जान्दाजान्दै पनि
मनले हिम्मत गर्दो रहेछ
उत्साहको न्यानोपन सहित
बोकेर स्वतन्त्रता
आफ्नै आकाशमा उड्ने ।।
लामोसमयपछि पुस्तकका बारेमा शब्दहरु कोर्दै छु। कहीलेकाहीँ सोच्छु कैयौं पुस्तकहरु पढिसके। अब होस् पढ्दिन । फेरि जब कुनै नयाँ पुस्तक हातमा र...
