प्यारी आमा
असिमित सम्झाना अनि सम्मान सहित सादर प्रणाम !
सम्भवत लामो समयपछि होला तिम्रो नाममा यसरी पत्र कोरेको आमा । पत्र कोर्नु पर्ने खास कारण केही थिएन तरपनि सम्झनाहरु अक्षरमा पस्केर पोको पार्दाको आनन्द पनि त बेग्लै हुन्छ । कहिलेकाही सोच्छु प्रविधिको यति धेरै विकास हुँदाहुदै पनि मान्छे किन पुरानै कुरामा रमाई बस्छ होला । फेरि लाग्छ सायद प्रविधिमा त्यो प्रेम र आत्मियता गासिएको हुँदैन जुन आफ्नै मौलिक कुराहरुमा गासिएको हुन्छ ।
आज देशका सवै कार्यलयहरु विदा छन् र म पनि घरैमा छु। अझ भनु राजधानिको सानो कोठा बसेर आधा आकाश ढाक्ने महिलाको बारेमा सोच्दै आकाशतिर रुमलिदै छू । थाहा छ आमा आज किन विदा छ किनकि आज नारी दिवस हो, अन्तर्राष्ट्रिय नारि दिवस जसको अवसरमा राज्यले एकदिनको विदा घोषणा गरेको छ। राजधानीको बाटो, चोक, गल्ली सबैतिर नारि दिवसका नाराहरु चर्किरहेका छन्।साना देखि ठूला होटलेहरुमा गोष्ठि र सेमीनार चल्दैछन्।आजको दिन सबैलाई आफ्ना छोरी, बुहारि र पत्नी खुब प्रीय लाग्दैछन्।समानता,समता,इज्जत,मान सम्मानको कुरा खुव चल्दैछ यता।आजको दिन खुब नारिमय बनेको छ राजधानी ....फेरी पनि किन हो आज राजधानीको आकाश खुलेको छैन, चम्केको छैन।
यताको कुरा यस्तै हुन आमा जति गर्यो उति रङ्गीन तर पनि साह्रै फिक्का फिक्का .. । हरेक दिन फोन संवाद हुँदा “तिमी सन्चै छु भन्छौ”।तिमिले “सन्चै छु” भन्दा नपत्याउनु पनि कसरी। फेरि पनि सोध्न मन लाग्दोरहेछ आमा “तिमी सन्चै छौ नि ..... !”
नारी दिवसको बारेमा यति धेरै कुराहरु गरिरहदा मैले यो सोच्नै विर्सेछु आमा कि आज नारी दिवस हो भन्ने पनि तिमीलाई थाहा छ होला कि नाई। तर मलाई यत्ती थाह छ, आज पनि तिमी सखारै उठेयौ होला, दैलो कुच्चो गरी वस्तुभाउलाई घाँसपात गरेयौ होला,घरकाहरुको निम्ति जति सक्दो मिहिनेत गरेर मीठो खाना बनाए पनि तिमीलाई जस भन्ने पक्कै मिलेन होला .... ! र पनि तिमीले आफनो दैनीकि पुरा गरेयौ होला । बुहारी हुनुको कर्तव्य, पत्नि हुनुको धर्म अनि आमा हुनुको जिम्मेवारीलाई तिमीले आफूले सक्के जती राम्रो गरी निभायौ होला ।
साँच्चै! आमा तिमीलाई आज कसैले भन्यो होला कि नाई आज नारी दिवस हो, महिलाको दिन हो, तिम्रो दिन हो ... तिमी मुस्कुराउ, आजको दिन तिमीलाई भयो । जाऊ तिमी आफ्ना पखेटाहरु फिजाएर संसारलाई एक फन्को मारेर आऊ......!
आमा यो राजधानीमा बसेर यो राजधानीका सेमिनार,गोष्ठी,र्यारीमा समावेश भएर मैले कति जना आमा,दिदिबहिनी,बुहारी,पत्नी र छोरीहरुको जीवनमा परिवर्तन ल्याउन सके,सामाजिक संञ्जालका भित्ताहरु रङ्गाएर कति जनाको जिन्दगीलाई राहत महसुस गराउन सके साँच्चै मैले यो आजसम्म बुझेकी छैन । बरु मैले हरदिन देखेकी छु, हरपल महसुस गरेकी छु कि एक दिन नारी दिवस मनाएको जस्तो गरेर हरेक पटक यो समाजले मलाई कति हिनताबोध गराएको छ, मलाई आफ्ना गिद्दे नजरले कतिपटक घेरेको छ । मेरो स्वतन्त्रतामा बार लगाएको छ,मेरो आत्मसम्मानमा ठेस पुर्याएको छ र मेरा पखेटा काट्न तम तयार भएर बसेको छ।हरेक पाइलामा आगो बिछ्याएको छ।आमा यी दिनहरुमा जिन्दगीले स्वतन्त्रता सास कति फेर्यो र फेरिरहेको छ भन्न मुस्किल छ तर तिमीसँग हुदाँका हरेक पल उन्मुक्त र निस्फिक्रीका थिए,उमंग र हौसलापूर्ण थिए सुन्दर र प्रेमिल थिए जुन यो नारी दिवसले व्याख्या गर्ने खुशि, स्वत्रन्ताभन्दा कयौं गुना प्रीय थिए, छन् र रहिरहनेछन्....सम्झेजती सबै पलहरु सुखद हुदैनन्, न हर्षपूर्ण नै हुन्छन् बस तिम्रो आचलमा बिताएका पलहरु हुन आमा जसले जिन्दगीको हरेक समयामा पुनरताजगी छरिरहन्छन् र जिन्दगीलाई जिन्दगी जस्तै बनाइदिन्छन् ।
कहिलेकाही सोच्छु म हुर्केको, बढेको त्यो गाउँमा नारी दिवस आउँछ होला कि नाई,तल्लो घर कि सरिताले आजको दिन मात्र पनि डोको बिसाइ होला कि नाई, पल्ला घरकि काकिलाई उनका श्रीमानले छोराको निहुँमा हातपात गर्न छोडे होलान कि नाई आजै कै दिन भएपनि त्यस गाउँका पुरुषहरु भान्सासम्म पुगे होलान कि नाई, तासको गड्डी एकातिर पन्छाएर आफ्ना छोरीहरुलाई प्रेमले धाप मारे होलाकी नाई यस्तै यस्तै ....!
मलाई थाहा छ आमा यि सबै मेरा सोचाई मात्र हुन् । किनकि मैले एकदिन सोच्दैमा, तिमिले, हामिले सोचेको जस्तो परिवतर्न पनि सम्भव छैन।यसको निम्ति त सम्पूर्ण राज्य सत्ता, सरोकारवाला र शिक्षित वर्ग नै एक हुनुपर्छ।कलमले लेखेसरी सोचाईमा जागरुपता आउनु पर्छ। तिमी जसरी आफूलाई बाबाकि अर्धागिनी मान्छौ त्यसरी नै तिमीलाई पनि बाबाले जीवनसाथी मान्नु पर्छ जसरी तिम्रा पाईला भान्छा सिमित छन् ति पाईलालाई घर बाहिर राख्न बाबाले तिम्रा हातहरु प्रेमले समाउनु पर्छ । तिमी बाबाको धौर्य बनिरहदा बाबा तिम्रो हौसला हुनुपर्छ ।
अनि यो राज्यले बुझ्नुपर्छ कि नारी सम्मान, नारी अधिकार र नारी समानताका कुरा वर्षको एक दिन मात्र गरेर पुग्दैन कुनै एकदिन छुट्याउदैमा नारीप्रतिको राज्यको जिम्मेवारी पुरा हुँदैन, यसको निम्ति हर घर, हर समाज, अनि सम्पूर्ण राष्ट्र नै लागी पर्नुपर्छ। नारीको पहिचानको लागी, नारीको सम्मानको रक्षाको लागी, नारीको समानता स्थापित गर्नको लागी र नारीको शिक्षामा पहुच पुर्याउनको लागी उनीहरुलाई सृजनात्मक र रचनात्मक कुरामा अभिवृद्धि गर्नको लागी अनि महत्वपूर्ण कुरा उनीहरुको निम्ति यस्तो वातावरण तयार गर्नको लागी जहाँ उनीहरु आफूलाई सुरक्षीत स्वतन्त्र महसुस गर्न सकुन ।तब मात्र नारी दिवसको मर्म पुरा हुन्छ र नारी दिवस नारीको दिवस बन्छ ।
#"लैङ्गिक समानताको बलियो आधार : सिर्जनात्मक प्रविधिमा महिला पहुँचको विस्तार"
#११३ औ अन्तर्राष्ट्रिय महिला श्रमिक दिवस
#८ मार्च
#शुभकामना
न घामले जुनलाई भेट्छ
