जसरी लाग्थ्यो
तिमीले दिएको
गुलाब कहिल्यै ओइलाउने छैन
त्यसरी नै लाग्थ्यो
तिम्रो नामको मेहिन्दी
कहिल्यै फिक्का पर्ने छैन
प्रेमसंग जोडिएको विश्वास
प्रेमसंग जोडिएको आफ्नोपन
अनि प्रेमसंग जोडिएको
इज्जत र सम्मानको
रङ्गमा कहिल्यै कमि आउने छैन
तर कहाँ थाहा थियो माया
जुन प्रेमको रङ्गमा
मलाई यति धेरै विश्वास थियो
यति धेरै अभिमान थियो
त्यही प्रेमको रङ्ग
बजारको रङ्ग भन्दा छिटो उत्रीनेछ
छिटो फिक्का पर्नेछ ।
No comments:
Post a Comment