प्रीयतम
कहिलेकाहीँ भावी हुनेरहेछन्
रहरहरु
वास्तविकता माथी
चाहे वास्तविकताको
स्वरुप जति नै क्रूर किन नहोस्
मन हराउने रहेछ
कल्पनाको आगनमा
र कल्पिदोरहेछ तिमीसंगको
सुन्दर सामीप्यतालाई
पन्छाएर सारा रितहरु
नाच्दो रहेछ मन
गुनगुनाएर आफ्नै भाकामा
बिर्सिएर सारा थकानहरु
मन ओत लाग्छ आफ्नै मनको
चौतारीमा र बुन्न थाल्छ तिमीसंग
संसार घुमेको सपना
भ्रमहरु क्षणिक हुन
जान्दाजान्दै पनि
मनले हिम्मत गर्दो रहेछ
उत्साहको न्यानोपन सहित
बोकेर स्वतन्त्रता
आफ्नै आकाशमा उड्ने ।।
No comments:
Post a Comment