कुशे औशी

बाबा

संघर्षको बाटोको तिमी 

कहिल्यै नथाक्ने अविरल यात्री हौ 

हाम्रो खुसीहरुको सम्पूर्ण 

तिमी खजाना हौ 

हामीले भरेका उडानहरुको तिमी 

पखेटा हौ 

.....

बाबा 

तिम्रो हात समाएर गरेको यात्रा 

सबैभन्दा सुन्दर यात्रा हो

तिम्रो काध चढेर 

देखेको संसार सबैभन्दा सुन्दर संसार हो 

....

थाहा छैन बाबा 

जिन्दगीको यात्रा कति 

सहज छ या छैन 

तर तिम्रो साथ बिना यो यात्रा

सम्भव पक्कै थिएन 

आफूलाई स्थीर राखेर 

मलाई चलाएमान बनाउने 

तिम्रो गुणको कायल छु म

सारा दुखहरुलाई एकातिर पन्छाएर 

मेरो ओठमा मुस्कान भरीदिने 

तिम्रो यो कलाको ॠणी छु म

बाबा अब पालो मेरो

सारा खुशी तिम्रा

सारा रहर र इच्छा तिम्रा 

बस त्यसको कारण म बन्न सकु 

तिम्रो माया प्रेम र आशीर्वादको

योग्य म सदा रहिरहु 

अझ भनु भने 

बाबा म तिम्री त्यहि सानी राजकुमारी सदा रहिरहु ।।

#बाबा #कुशे औशी