चुढिएको कोपिला

चुढिएको कोपिला

मैरै आँखा अगाडि 

फुल्नै लागेका कति

कोपिलाहरु चुढिएका छन् 

पत्र पत्र भएर 

अनि चुडिएकि छु म ति कोपिलासंगै,

अघि भर्खरै हास्दै गरेका ती सुन्दर 

फुलहरु छिनभरमै मस्किए छ्न

कतै घाम चर्को भएर पो हो कि,

साह्रै पीडा हुदोरहेछ 

आफुले हुर्काएको 

कोपिला चुढिदा,

आफुले फुलाएका फुल मस्किदा,

हो त्यसरी नै कति पीडा 

भयो होला ती आमालाई 

जसकी छोरी मार्च ८ कै दिन 

बलत्कृती भइन अनि 

कति पीडा भयो होला ती सानी नानिलाई 

जसलाई बलत्कार भनेको के हो भनेकै थाहा छैन,

सक्छु म त्यो पिडा आभास गर्न 

किनकी मैले हुर्काएका 

कयौं कोपिलाहरु चुढिएका छन् यसरी नै,

र सक्दिन पनि म त्यो पिडालाई आभास गर्न 

किनकि म मात्र देख्न सक्छु,

सक्दिन त्यो पीडा आफुमा सार्नलाई !!