ए तिमी !!

मात्र चुढ्न सक्छौ तिमी 

फक्क्रीदै गरेका 

ती सुन्दर कोपिलाहरु

अह,सक्दैनौ 

तिमी ती पुन: उस्तै बनाउन,

मात्र सक्छौ तिमि 

इतिहास गाउन,अर्थशास्त्र घोक्न 

अनि समाजशास्त्रका 

ठुला ठुला भाषण छाट्न,

के सक्छौ तिमी इतिहास बन्न,

अनि के सक्छौ 

तिमी वास्तबिक मानव बन्न,

मानसिक सन्तुलन गुमाएकी

युवतिलाई सरेआम

बलात्कार गर्न सक्छौ, 

अनि सानी अबोध बालिकाको 

योनि च्यातेर मज्जा लुट्न सक्छौ,

तर अह सक्दैनौ तिमी

मिनिस्कट र बिकिनी लगाएर 

हिड्ने केटिलाई घरको शोभा बनाउन 

आफ्नी अर्धाङ्गिनी बनाउन,

साँच्चै तिमी जति कायर 

मलाई कोही लाग्दैन,

तिमी जति बिबस म कोहि देख्दिन,

अनि तिमी जति लाचार म

कोहि पाउदिन,

किनकि तिमी आफ्नो पुरुषार्थ देखाउन 

मात्र अध्यारोलाई हतियार बनाउछौ,

अह उज्यालोसंग सामाना गर्ने 

ताकत छैन तिमिसंग यदि छ भने 

निसंकोस भन .... यो चुनौति भयो 

तिमीलाई ए तिमी !!                                                        (पद्दम कन्या क्याम्पसको कलेज कविता प्रतियोगितामा लुन गंगा चौौधरी पुरस्कार जित्न सफल कविता 2018)