कति भारि बोकेर हिडियो होला
उकालि ओरालि
अनि थकाइ मार्न बिसाइयो होला
चौतारिमा
यसैगरि कति भारि बोकियो प्रेमको
र बिसाइयो पनि
तर अह कहिल्यौ भएन थकाइको
अनुभुति,
हातभरि गुलाब बोकि आउदैमा
अङ्गालोभरि टेडि बोकि आउदैमा
तिमि जिन्दगिको अन्तिम सास सम्म
मेरो हुन्छौ भन्ने निश्चित हुन्छ भने
स्विकार छ मलाई बजारका ति अनगिन्ति
प्रेम साट्ने खेलौनाहरु.....
जिन्दगिको बगैचामा गुलाफ मात्र हैन
सुनगाभाहरु पनि मुस्कुराइ रहेको बेला
जिबनको बसन्तमा
प्रेमको सुन्दर फुलफुलिरहेको बेला
म तुलना गर्न चाहन्न हाम्रो प्रेमलाई
कुनै खेलैनासँग,चुडिएको गुलाफसँग
बरु भन्न चाहन्छु “म तिमिलाई माया गर्छु
प्रियतम त्यति नै जति
जुनले रातलाई
बिहानिले शितलाई
अनि फुलले पातलाई गरेको हुन्छ” ।
एउटा अनौठो बिश्वासका साथ
जिन्दगिको अन्तिम गन्तवसम्म
साथ दिने बाचा सहित
तिमिलाई ह्याप्पि भ्यालेन्टाइन डे
प्रियतम !!
No comments:
Post a Comment