माया त माया हो !

मलाई अझै याद छ तिमिले पहिलो पटक

मेरो नाममा कोरेको त्यो प्रेमपत्र

मलाई अझै याद छ तिमिले गरेको

त्यो पहिलो प्रेमिल म्यासेज,

समय प्रेमपत्र देखि प्रेमिल म्यासेज सम्म

बदलिए पनि

अह प्रेम बदलिएको छैन,

न बदलिेको छ, प्रेमको महिमा नै

किनकि माया त माया हो नि हैन र !!

त्यो एक बसाईमा बसेर लिएको चियाको चुस्किमा 

कयौं जन्मसम्मको प्रेमलाई साचेका थियौ हामिले

पैतालाले घण्टौको दुरि नापिरहदा जन्मजन्मसम्मको

मीठो र सुन्दर सफर एकसाथ तय गरिहेका थियौ हामिले,

मलाई अझै याद तिमिले दिएको पहिलो गुलाफ

अनि मलाई याद त्यो पनि छ तिमिले खाएको साचो कसम,

थाहा छ तिमिले पहिलो पटक दिएको गुलाफ 

अझै सम्मालेर राखेकी छु मैले

तर थाहा छैन तिमि आफैले खाएको कसमलाई 

तिमिले किन समालेनौ

फेरि पनि माया त लाग्छ 
किनकि माया त माया हो हैन र,

प्रेमलाई मनाउने कुनै एक खास दिन हुन्छ 

प्रेम गर्नेहरुका लागी

मलाई त हरदिन त्यति नै खास दिन लाग्छ,

प्रेमिल लाग्छ 

किनकि माया त माया हो हैन र !!

"ह्यापी भ्यालेनटाइन डे"